Гласините што се појавија во Азија навестуваат дека Apple планира да произведе iPad со 12,9 инчен екран, а според нив, новиот таблет компјутер ќе се појави во октомври следната година.
Слични гласини летово се појавија во Wall Street Journal, а информациите тогаш навестуваа дека Apple тестира iPad со екран малку помал од 13 инчи.
Според Digitimes, големиот таблет на Apple ќе го произведува тајванската компанија Quanta Computer.
Ако 12,9 инчниот iPad сепак влезе во производство, тој би можел да биде корисен за образованието, секторот кој е доста важен за Apple.