Секој ден десетици илјади неполнолетни девојки присилно стапуваат во брак, честопати со мажи кои се доволно возрасни да им бидат татковци или дедовци. Наместо свадбата да е среќен почеток на брачен живот, за нив тоа е тажен настан, кој неретко е проследен со семејно насилство, рана бременост и силување.
Алисон Џојс ја фотографираше договорената свадба на тинејџерка која беше присилена да стапи во брак со маж кој е двојно повозрасен од неа.
Наместо да ужива во својата младост и да го продолжи своето образование, 15-годишната Насоин Ахтер беше присилена да го прифати бракот со 32-годишниот Мухамед Хасамур Рахман. На фотографиите направени во Бангладеш се гледа како несреќната и на моменти исплашена девојка се подготвува за свадбената церемонија.
Семејството ја бања Насоин на денот на нејзината свадба.
Насоин „позира“ за свадбените фотографии без насмевка на лицето.
32-годишниот младоженец Мухамед Хасамур Рахман со својата идна сопруга.
Мусамат Ахи Ахтер (на фотографијата) била омажена лани на 13 години.
Бракот на неполнолетни лица е незаконски во Бангладеш, но никој не се труди да го почитува законот. Роднините на младите невести им плаќаат на матичарите за да ја сокријат вистинската возраст на девојките. Лошата вест е што се планира нов закон кој ќе дозволува брак на девојки на 16 години, само во специјални услови (ако таа е бремена или ако тоа е желба на нејзините родители).