Незнам дали забележавте, но во последно време детокс диетите се апсолутниот хит, бидејќи според мислењето на нутриционистите, целта не е само да се намалат килограмите, а тоа да биде еден здрав режим од кој ќе имате не штета, а полза за вашето здравје. Основната цел на овие диети е пред се комплетно чистење на организмот од токсините натрупани по време на зимските месеци. Само свежото овошје и зеленчук ги имаат неопходните материи и елементи за детоксикација на телото. Оваа диета е со многу малку калории и не треба да се повторува почесто од еднаш на 4 месеци, за да не го пореметите метаболизмот. Треба да пиете многу вода и зелен чај по време на диетата.
Првиот ден е ден за прочистување и она што го консумирате се само свежо исцедени сокови од овошје и зеленчук, односно портокали, киви, јаболка, грејп, домати, моркови, цвекло, спанаќ или нешто друго по ваш вкус. Соковите го стимулираат варењето на храната и го чистат целиот дигестивен систем. Дневно треба да испиете вкупно 6-7 чаши.
Вториот ден имате 450 грама урда и 4 чаши кисело млеко.
Третиот ден имате свежи сезонски салати, со малку маслиново масло и без сол, како и бело пилешко варено месо за ручек и вечера заедно со салатата.
Четвртиот ден е идентичен како и првиот, односно дневното мени се состои само од свежо цедени сокови 6-7 чаши.
Овие 4 дена се најважните од диетата. Наредните денови во исхраната треба да вклучите секојдневно 4 белки од јајце, урда, кисело млеко, риба и пилешко, а паралелно со тоа по 2-3 свежи салати секојдневно.
Понатака треба да ја избегнувате штетната храна од која добро знаеете дека брзо се дебелее, ако не сакате да ги вратите повторно изгубените килограми и трудот да биде напразен.