Потребно ви е:
- 150g млечно чоколадо
- 1 лажица прашок за печиво
- 140g шеќер
- 175g брашно
- 3 јајца
- 3 лажици млеко
- 1 банана
- 140g путер
- 140g замрзнати вишни
- 150g слатка павлака
- 200g бело чоколадо
Подготовка:
Загрејте ја рерната на 160 степени. Подмачкајте ја тавата во која планирате да ја печете тортата.
Ставете го брашното, прашокот за печиво и шеќерот во голем сад. Додајте ги јајцата, млекото и растопениот путер. Матете со миксер околу 2 минути.
Изрендајте го чоколадото и заедно со испасираната банана додајте ги во смесата.
Рамномерно распоредете ја смесата во плехот и печете 25-30 минути.
Извадете ја тортата и оставете ја да се олади. Во меѓувреме растопете го белото чоколадо.
10-15 парчиња од вишните до пола потопете ги во чоколадото, а потоа наредете ги на алуминиумска фолија. Оставете ги да се оладат 5-10 минути.
Во преостанатиот дел од чоколадото додајте ја слатката павлака и матете неколку минути. Исечкајте ги вишните, додадете ги во кремот и премачкајте го филот врз или во средината на чоколадната торта. Од горе наредете ги вишните.
Добро оладете ја тортата пред послужување, декорирајте по желба со слатки зачини или чоколадни фигури и уживајте!