Леонардо Ди Каприо има шанса да ја освои најпосакуваната статуетка во 2016 година, откако доби одлични критики за неговата улога во новиот филм „Одмаздник“ (The Revenant). Се чини дека петтата номинација може да му донесе среќа на 41-годишниот Лео и тој конечно да го освои Оскарот за најдобар актер на доделувањата на оваа престижна награда во февруари.
За филмот, снимен по вистинска приказна за пустиникот Хју Глас, Ди Каприо вели дека е „најтешкиот филм кој досега сме го снимиле, мислам, сите ние“. Леонардо има неколку сцени кои се вистински предизвик, како таа во која го осакатува мечка гризли, а членовите на неговата експедиција го оставаат мислејќи дека е мртов. Неговите сопатници исто така го ограбуваат и го убиваат неговиот син, кој е половина Индијанец.