Според натписите на италијанските медиуми, најдобриот фудбалер на светот Кристијано Роналдо има нова девојка, а станува збор за 24-годишната манекенка Алесија Тедески.
Во почетокот на годината Роналдо ја прекина долгогодишната врска со руската манекенка Ирина Шајек (29), и оттогаш е поврзуван со бројни убавици.
Роналдо ја поканил Алесија на реваншот на полуфиналето на Лигата на шампиони против Јувентус, а наводно подоцна двојката поминала романтична вечера. Останува прашањето дали Италијанката успеала да го утеши поради испаѓањето на неговиот тим Реал Мадрид.
Тедески своевремено медиумски беше поврзувана со Марко Бориело, како и со Давид Липи и Луиџи Берлускони, синовите на славните Марчело Липи и Силвио Берлускони.
