На луѓето кои се подготвени да го променат својот начин на размислување, афирмативните пораки можат да им донесат промени кои ќе резултираат со подобар поглед на себе, но и поведар поглед на светот.
Зафатени со брзиот тек и начинот на живот, често забораваме да бидеме оптимисти, секогаш да го бараме позитивното и да веруваме во успехот се важни фактори на патот до личната среќа, успех и задоволство. Дури, често тие и повеќе од важни фактори ги занемаруваме.
Да се мисли позитивно всушност станува идеја која ги води многумина, преку своите мисли да се остварат себеси, менувајќи се себеси и светот кој ги опкружува со сопственото делување. Промените често се најпотребни токму во време кога наоѓаме се помалку време за себе и луѓето околу нас, а афирмативните пораки со себе носат коренити промени и на секого му всадуваат верба во подобро утре.
Афирмацијата всушност е вештина и техника на репрограмирање на сопствената потсвест со помош на потврди изјави, кои ја менуваат состојбата на свеста и начинот на размислување, а се ова на крај доведува до позитивни промени во функционирањето кај човекот како индивидуа. Афирмациите како психолошка техника, насочена на позитивен резултат, а не на моменталната состојба и негативностите кои го опкружуваат лицето. Со нив всушност се бара позитивна мисла која лицето го мотивира да оди напред.
Идејата за афирмациите се темели на верувањето дека позитивно насочените мисли можат многу да ја подобрат психолошката состојба на поединец и така да донесе позитивни резултати, менувајќи го однесувањето и ставот на лицето. Афирмациите можат со промена на размислувањето да влијаат на стварноста и ако навистина веруваме во нив, да привлечат позитивни настани.
Забранувајќи го песимизмот и лошите мисли, многумина се промениле себеси, но и светот околу себе. Овој се попопуларен тренд порачува дека среќата е нешто што може да се научи и секако вреди да се испроба.