Во најголемиот број случаи на раскинување на врската, прељубата е на првото место. Изгледа дека еволуцијата никако да се насочи кон надминување на овој генерален убиец на врските, па затоа ви ги пренесуваме препораките на Џек Тримарко, поранешен агент на ФБИ, и на Лилијан Глас, експерт за говорот на телото, како да препознаете „лажго”.
Ова се алармантните знаци:
1. Одеднаш се однесува поинаку
Тримарко вели дека треба да ги гледате физичките знаци. Ако, на пример, го прашате каде бил во саботата навечер, а тој почне да го чепка својот нос, да дише длабоко – нешто не е како што треба.
2. Гледа во под
Кога луѓето лажат, најчесто гледаат во под, вели Тримарко. Ако мажот нешто крие, ќе почне да гледа во под без да трепне.
3. Контра-прашања
Нападот е најдобра одбрана. Тактика што неверниот маж со задоволство ќе ја употреби. На прашањето ќе одговори со прашање, за да добие време да смисли издржана лага.
4. Товарот ќе падне врз вас
„Кога луѓето се виновни, се обидуваат со обвинувања товарот да го фрлат на вас“, вели Тримарко.
5. Ја менува приказната
Вистината лесно ќе ја запомни бидејќи е вистина. Лагите се забораваат. Ако ја менува приказната, нешто не е во ред.
6. Се колне во сè
Невина личност никогаш нема да го направи тоа.