Откако влезе во светот на манекенството, Кендал Џенер дефинитивно ги освои модните писти и ги засени нејзините колешки. Доказ за тоа е нејзиното име на новата листа на Форбс на најплатени манекенки на светот за 2015-та година, на која таа воедно е и првата тинејџерка некогаш вклучена.
Иако има само 19 години и е нова во оваа професија, Кендал изминатата година има заработено вртоглава сума од 4 милиони долари, која и обезбеди место позади Кејт Мос, победувајќи големи имиња од елитата, како популарната убавица од Sports Illustrated, Кејт Аптон.
Убавата Кендал има учествувано во кампањи за престижни модни куќи, како Givenchy, Estée Lauder, Marc Jacobs, Fendi, Calvin Klein и Balmain.
И покрај нејзиното вртоглаво искачување кон врвот, таа во едно интервју за V Magazine има откриено дека нејзиниот профил како личност позната од реалното шоу „Keeping Up With The Kardashians“, и’ претставувал голема пречка кога одела на кастинзи.
– Немате поима колку врати ми се затворија и колку луѓе од модниот свет не сакаа да работат со мене заради предрасудите кои ги имаа, како и колку многу се исмеваа со мене позади мојот грб, се пожалила таа.
Благодарение на нејзината упорност и верба во себе, таа докажа дека е многу повеќе од шоуто „Keeping Up With The Kardashians“. Само прашање на време е кога нејзината беспрекорна убавина и природна појава ќе ја искачат 19-годишната Кендал на самиот врв.
Еве ја целосната листа на најплатените манекенки за 2015 составена од Форбс:
1. Gisele Bundchen $44 милиони
2. Cara Delevingne $9 милиони
2. Adriana Lima $9 милиони
3. Doutzen Kroes $7.5 милиони
4. Natalia Vodianova $7 милиони
5. Miranda Kerr $5.5 милиони
5. Joan Smalls $5.5 милиони
6. Lara Stone $5 милиони
6. Alessandra Ambrosio $5 милиони
6. Candice Swanepoel $5 милиони
6. Karlie Kloss $5 милиони
7. Carolyn Murphy $4.5 милиони
7. Kate Moss $4.5 милиони
7. Liu Wen $4.5 милиони
7. Daria Werbowy $4.5 милиони
8. Kendall Jenner $4 милиони
9. Hilary Rhoda $3.5 милиони
9. Jourdan Dunn $3.5 милиони
9. Kate Upton $3.5 милиони
9. Anja Rubik $3.5 милиони
9. Edita Vilkeviciute $3.5 милиони