Во Хрватска е завршена првата сезона на натпреварувањето “The Voice“,а победничката на оваа музичка шоу – програма е Нина Краљиќ.
Во финалната вечер таа отпеала три песни.
Првин ја изведе нумерата “Beneath Your Beautiful”,потоа со менторот Жак Хоудек ја отпеа песната “Euphoria”. На самиот крај, Нина реши да ја изведе легендарната композиција „Зајди, зајди“, а со нејзиното пеење сите беа воодушевени.
„Нина ти се некоја вонземјанка. За тебе толку многу зборував. Сите знаат дека си одлична пејачка. Но мислам дека таа твоја луда емоција со која допираш во душата е она што те прави најдобар глас. Ми беше голема чест да идам твој ментор. Ти благодарам за се што научив од тебе.“, и кажал Хоудек на Нина.