Кристина Ричи (35) важи за една од најталентираните актерки од нејзината генерација, а се прослави во кино салите уште како шестгодишно девојче кога играше покрај Шер и Винона Рајдер во филмот „Сирени“ во далечната 1990 година.
Публиката веднаш ја освои со својата неодолива смисла за хумор, а после овој филм понудите за улоги почнале да се редат една по друга. Следната голема улога по која ја паметиме, секако е улогата на Среда во култниот римејк на „Семејството Адамс“ каде што уште еднаш брилјираше покрај големите имиња на холивудската кинематографија.
Покрај споменатите два филма, таа се појави и во „Параноја во Лас Вегас“, „Заспаната долина“, „Црвенкапа“, „Пенелопе“ и многу други.
Атрактивната актерка и понатаму е многу харизматична, духовита и убава, а со својот талент продолжува да гради кариера во Холивуд не само како актерка,туку и како режисерка, сценаристка и продуцентка.
Покрај тоа, оваа млада актерка е многу активна на социјалните мрежи каде што често се шегува на сметка на нејзината височина и поставува духовити фотографии на кои покажува колку всушност е малечка.
