Каков возач растете вие? Направете го секое возење добар пример!

Ова поучно видео им укажува на родителите дека децата учат од нивното однесување многу повеќе отколку што тие си мислат.

Во видеото е прикажано дете врзано со конци како марионета, кое проверува и зборува на имагинарен мобилен телефон додека „вози“, а во еден момент и упатува погрдни зборови кон друг учесник во сообраќајот. На крајот, кога во фокусот ќе влезе и таткото на детето, се гледа дека тоа всушност цело време го имитира неговото однесување.

„Каков возач растете вие? Направете го секое возење добар пример“ – е пораката на кампањата создадена од Комисијата за сообраќајни незгоди од Мелбурн.