Поранешниот шампион на НБА лигата Ламар Одом е пронајден во бесвесна состојба во бордел во Невада, после што итно е префрлен во болница, соопштила полицијата.
Како што пренесуваат медиумите во САД, канцеларијата на шерифот на округот Ни Кантри добила повик околу три часот наутро дека, на Љубовниот ранч, околу 70 км од Лас Вегас, e потребна медицинска помош на човекот кој не дава знаци на живот.
Според изјавите на сведоците, 35-годишниот Одом лежел на подот на борделот “Love Ranch South”, а од уста му излегувала непозната течност. Според пишувањето на “TMZ”, пиел растителни препарати кои делуваат како вијагра, но испил и цело шише коњак. Одом е префрлен во болницата, а примарниот план бил да се префрли со хеликоптер, но поради неговата висина (208 см) не можел да го собере во леталото. Одом на ранчот на озлогласениот Денс Хоф минал неколку дена по ред, а самиот Хоф за TMZ рекол дека кошаркарот бил пронајден на подот на ВИП апартманот во неговиот бордел.
– Многу е сериозно, може да не се извлечe – додал тој.
– Сакаше само да побегне од се, добро да се забавува и да се опушти. Додека се јавував во полицијата им реков на своите вработени дека го свртат на левата страна, бидејќи од устата му излегуваше пена, додека повраќаше крв – рекол Хоф. Тој додал и дека Одом бил среќен и дека секоја вечер спиел мирно, а дека нешто не е во ред со него се посомневале две девојки – кои, бидејќи не се слушнале со него тој ден, отишле да го посетат, и притоа го пронашле во бесвесна состојба.
– Сето ова е неверојатно тажно… Кога дојде испи шише коњак и консумираше растителна вијагра, но ништо од забранетите супстанции – вели Хоф.
35. годишниот кошаркар, најдобриот шести играч на најсилната лига на светот во сезоната 2011, освоил две титули со Лос Анџелес Лејкерси, а играл уште и за Мајами Хит, Лос Анџелес Клиперс, Далас Меверикс. Ангажманот во Шпанија 2014 година ми бил воедно и последниот во кариерата.
Веднаш откако слушнале за трагичната вест, неговата поранешна сакана Клои Кардашијан и нејзината мајка Крис отишле во болницата, каде лекарите се борат за животот на Ламар.