Разочаран од разделбата со поранешната партнерка еден Германец направил нешто неверојатно. Тој целиот заеднички имот кој го стекнале со неговата поранешна партнерка го поделил на половина ама буквално.
Така, тој сега поседува половина автомобил, половина телевизор, половина компјутер, половина кревет, половина велосипед и така натаму, предмети што ги продава на eBay.
Типот дури и објавил видео на YouTube со наслов „За Лаура“, со објаснувањето „Ти благодарам за дванаесетте „прекрасни“ години, Лаура, навистина заслужуваш сè да добиеш по половина!“
На крајот стои и реченицата „Поздрав до мојот наследник“.
Се разбира, доколку приказнава е вистинита, предметите можат да се купат на eBay за симболична цена, пренесува Daily Mail.