Во прилично непријатна ситуација се нашла ќерката на славната музичка дива – нејзината мајка очигледно не се носи најдобро со стареењето.
И додека многу 18-годишни девојки сонуваат за забавување со холивудските ѕвезди после големиот настан Мет Гала, Лурдес Леон имала прилика тоа да го искуси.
Во придружба на својата славна мајка Мадона, Лурдес се појавила на Мет Галата, но глетката која ја снимиле многу фотообјективи не е многу пријатна.
Имено, 56-годишната пејачка се облекла идентично како нејзината 38 години помлада ќерка. Лурдес во кратко фустанче, а Мадона во (пре)кратки пантолончиња, двете со слична фризура и силна шминка.
После тоа, се појавија многу коментари дека пејачката очигледно многу лошо се носи стареењето, а тоа го манифестира низ облекување кое никако не и` прилега на годините.
Британските медиуми се запрашаа дали тука станува збор за класична криза на средните години или пак, љубомора на младоста на сопственото дете. Но, сепак треба да се има во предвид дека славната дива во текот на целата кариера е позната по ексцентричното и разголено облекување.