Тегавецот (plantago major и plantago minor) е драгоцено лековиото растение неправедно запоставено и недоволно користено и чие време веќе настапи. Иако со децении се прават природни сирупи од тегавец против кашлица и разни белодробни болести, најновите истражувања покажале некои фантастични лековити својства.
Во народната медицина тегавецот се користи за лекување на рани и чирови, за отоци и воспаление, додека како чај или сируп се користи за полесно искашлување, растварање на белодробниот слуз, за чир на желудникот и мочниот меур.
Традиционален рецепт за сируп од тегавец
Сирупот од тегавец се препорачува за сите кои страдаат од белодробни болести, туберколоза, отежнато дишење, упорна кашлица, болка во градите и прекумерен слузав секрет.
Потребна ви е голема стаклена тегла со капак што добро се затвара од 5 литри и на дното се става слој со дебелина од 3 сантиметри, стиснати листови од тегавец. Врз тегавецот се додава слој кафеав шеќер 1 сантиметар, а врз тоа уште еден слој од тегавец. Така продолжете наизменично се додека теглата не се наполни.
Смесата треба да отстои една ноќ, и следниот ден на ист начин се надополнува со истите состојки бидејќи во текот на ноќта содржината во теглата ќе спласне. Тоа се повторнува се додека теглата не се наполни до горе. Потоа во дворот се копа дупка, а теглата се заштитува со неколку слоеви фолија, најлонска и алуминумска или пак со восок и се става во дупката, се закопува со земја, се покрива дупката со даска врз која ќе ставите голем камен.
Теглата треба да отстои 3 месеци закопана во земја после што содржината од теглата се цеди, а така добиениот сируп од тегавец треба еднаш да проврие.
Добиениот сируп се чува во стерилен стаклен сад.
Овој домашен сируп е најдобриот природен помошник против сите белодробни болести.
По потреба сирупот се конзумира по неколку кафени лажички дневно за деца и исто толку супени лажици за возрасни.
