На секој црвен тепих шетаат многу гламурозни тоалети, ѕвездите се трудат да бидат што позабележани, а Бритни, Ники и Кајли на овогодинешното доделување на VMA наградите, играа на сигурно – со златни тоалети кои тешко е да не се забележат.
Сеедно е дали станува збор за светки, дијаманти или светкави нитни зашиени во ткаенината, тоалетите во златна боја гарантираат дека ќе бидете забележани.
Овој тренд го помниме уште од „златните“ осумдесетти, а славните личности од година во година со задоволство му се враќаат.
Златната боја дава доза на гламур, но ако не се знае мерката, лесно може да се премине границата на добар вкус и да се премине во кич и вулгарност.
Женствениот крој на светликавата тоалета може да биде стилски погодок доколку не претерате со аксесоарите.
Златната боја во контраст со црна, може да даде добар ефект, затоа што црната боја ги ублажува раскошните златни конци.
