Светските експерти за клима, на првата меѓународна конференција на метеоролози, предупредија дека на Земјата и` се заканува опасност од апокалипса – зачестени воздушни турбуленции, жешки и поларни бранови, цунами во океаните.
На иницијатива на Светската метеоролошка организација, агениција на ОН, околу 1.000 научници разговараа во Монтреал на собирот кој траеше од 16. до 21. август за климатската иднина на планетава.
На првата светска конференција за метеорологија соопштено е дека во првата деценија од овој век просечната температура на Земјината површина пораснала за 0,47 степени Целзиусови. Зголемување од еден процент доведува до седум отсто поголемо испарување на вода во атмосферата, а бидејќи испарувањето е придвижувач на воздушните струи во атмосферата, метеоролошките прилики сега почесто се менуваат.
Светските научници сметаат дека просечната температура на Земјата ќе порасне за два отсто до 2050 година.