Ова уникатно пештерско езерце е толку бистро што е невидливо

Во длабочините на пештерата Poco Azul во националниот парк Chapada Diamantina во Бразил, се крие едно неверојатно езеро и е толку бистро што речиси е невидливо.

Кога светлината продира низ пукнатините на пештерата, водата станува толку проѕирна што тешко можете да одредите каде почнува езерото или дали некој плива или лебди во воздухот. Колку и да звучи чудно, уште почудно е кога ќе го видите тоа со свои очи.

Фотографиите се од Марсио Дуранк, кој при една посета успеа да ја долови неверојатната проѕирност на езерото во 16-метри длабоката подземна пештера, инаку откриена од трагачи по злато уште во 1920-тата година.

Ама чекајте, езерото има уште адути – имено, водата во езерото е топла преку целата година – 23 степени. Не е ни чудно што пештерата е постојана мета на туристите, кои имаат прилика и да пливаат во езерото.

– Кога пливате во ова езеро се чувствувате како да лебдите, како да не сте на оваа планета, вели Марсио.

https://www.youtube.com/watch?v=d95b-3PgaIU