Поради дисциплинската казна за непочитување на правилата, на натпреварувачите од вилата НИА им беше одземено правото да работат со своите ментори, а тоа видно се одрази на нивните настапи. Покрај губењето на часови, нетпреварувачите вчера вечер имаа и задача сами да се погрижат за нивниот изглед.
Поради целава ситуација критиките од жирито, Роберт Билбилов, Весна Бејби Петрушевска и Ѓоко Таневски, беа повеќе од очекувани.Тие првите пет настапи, односно настапите на Валери, Марио, Вики, Игор и Стефан ги прогласија за досадни и приспивни. Вики, Игор и Стефан добија и сериозни критики од Боки 13 за нивниот стајлинг.
Монотонијата ја разби настапот на Зои која го разигра жирито и патем беше првата која доби четири 10 ки.
Вечерта продолжи со втората петторка која беше изненадувачки подобра. Позитивни коментари за Марија, Иле, Александра, Алмир и Миа. Прв пат беа исполнети и критериумите на Боки 13, кој го прогласи настапот на Марија за феноменален, комплетен во секоја смисла.
Поради условите кои беа наложени, жирито им даде уште една шанса и ги помилува 11 те натпреварувачи, односно вечерта заврчи без исфрлување. Дали натпреварувачите ќе ја научат лекцијата од петатта гала останува да видиме.
