Полицаецот Кјан Фенг стана омилен службеник ширум Кина откако беа објавени фотографиите на кои се гледа дека тој спасува новороденче од цевките на јавниот тоалет во Пекинг. Бебето преживеало и заздравува во локалната болница.Полициската станица во западниот дел на Пекинг добила повик во кој поминувачите пријавиле дека слушаат бебешки плач во јавниот тоалет. Фенг побрзал и прв пристигнал на местото каде открил дека бебето е фрлено во цевките од тоалетот.
“Главата на бебето беше свртена надолу и му ги видов само нозете. Скоро цело беше паднато во цевките”, вели Фенг. Бебето потоа било префрлено во болница.
Според извештаите на кинеските медиуми, тоа е добро и заздравува. Полицајците откриле и крв околу тоалетот, што покажува дека бебето било родено и оставено во тоалетот. Сега пробуваат да го откријат идентитетот на мајката.