На мажите секогаш им паѓа тешко кога чекаат девојките да се подготват и нашминкаат, а Џесика Алба вели дека за тоа и требаат меѓу пет и десет минути.
“Со оглед на тоа дека сум мајка, и дека имам многу обврски, ценам кога имам 25 минути кои можам да ги потрошам на средување на лицето, но обично имам меѓу пет и десет минути. Затоа се што ставам мора да биде лесно и да се нанесува брзо, но и да не се вади лесно”, вели убавата актерка.
“Секогаш ви треба маскара, коректор кој ќе го нанесете под очите и по средината на носот – јас секогаш имам еден со себе, без оглед на тоа каде сум. Покрај тоа, потребно е малку руменило, а убаво е ако ставите и малку кармин, така лицето изгледа посвежо”, вели таа.
Убавата Џесика вели дека покрај шминкањето, важно е и како ја негувате својата кожа.
“Кога патувам, секогаш со себе носам маска за лице која во себе има хидратантни состојки. Тие маски се оставаат на лицето околу 20 минути пред да слета авионот, а кога ќе слетате, лицето ќе ви изгледа хидрирано”.
“Во авион ќе изгледате како сериски убиец со таа маска на лицето, но морате да се помирите со тоа”, вели актерката.