Иако пиењето црно кафе има одредени предности, постојат и негативни ефекти посебно ако го пиете наутро, на празен стомак.
Факт е дека повеќето луѓе ги отвораат очите со шолја топло кафе пред појадокот, а понатаму во денот може да заборават и да појадуваат затоа што овој кофеински пијалак сосема ги заситува.
Но, какви последици ќе имате од оваа навика?
Шолја кафе на празен желудник ќе го поттикне излачувањето хлороводородна киселина, а таа непријатна појава многу брзо ќе ја почувствуваат личностите склони кон гастритис. Но, не се поштедени ни сите останати, затоа што оваа киселина ја разградува храната која сме внеле претходно, a протеините остануваат неразградени.
Неразградените протеини може да предизвикаат бројни проблеми како подуеност, иритација на цревата, воспаленија, па дури и рак.
Бројни истражувања покажуваат дека кафе треба да пиете дури неколку часа по будењето и тоа никако на празен стомак.
Исто така, треба да го избегнувате веднаш штом отворите очи, затоа што по будењето нивото на кортизол е природно високо.
Шолја кафе на празен стомак може да предизвика тешкотии, подуеност и гадење, па затоа обидете се да каснете барем едно парче леб пред да посегнете по тегличката со кафе.