На сите ни е познато дека чајот од камилица е лековит и сите, веројатно, го имаме дома. Меѓутоа, дали го пиете секој ден? Еве зошто би требало.
Најновото истражување, кое ги испитува ефектите на овој чај, покажало дека тој влијае на продолжувањето на животот, но само кај жените. Оваа билка го намалува ризикот од сите причинители за смрт за неверојатни 29 отсто, пренесе Телеграф.рс.
На истражувачите не им било најјасно зошто делува само на еден пол, односно, зошто им го продолжува животот само на жените.
Американските научници, во период од седум години, следеле 1.677 жени и мажи од САД и Мексико, проучувајќи ги податоците од епидемиолошките студии кај постарите лица, од кои 14 отсто не пиеле чај од камилица. Заклучиле дека кај жените кои пијат камилица ризикот од предвремена смрт бил дури 29 отсто помал, отколку кај оние кои не пиеле камилица.
Тој однос останал таков дури и кога во истражувањето ја вклучиле историјата на болести, меѓутоа, она што е интересно, тие резултати не важеле за мажите, туку само за жените.