15. годишна тинејџерка од Мичиген наводно признала дека продавала свои голи селфи фотографии и видео клипови и дека од тоа досега заработила околу 1.100 долари. Девојката била разоткриена од нејзината мајка која ја алармирала и полицијата.
Младата девојка делото го признала во полциската станица и рекла дека во последниот месец имала четири – пет „муштерии“. Таа им признала на детективите дека ги продавала своите разголени фотографии речиси една година и дека имала „постојани“ муштерии.
Разголените фотографии и видео – снимките на „муштериите“ им биле испраќани преку профил емаил на Gmail.
Се претпоставува дека тинејџерката доаѓала до купувачи преку чет апликацијата „Кик“, а целиот материјал го наплаќала преку PayPal.
Наводно, записите од судот покажале дека девојката наплаќала измеѓу 20 и 100 долари по слика и досега заработила околу 1.100 долари.
Од полицијата во Мичиген рекле дека во последно време „се зголемил бројот на ваквите злосторства“, особено кај децата кои се многу активни на социјалните мрежи.