Звучи навистина неверојатно но, откако 90-годишната Норма беше дијагностицирана со рак, наместо да се лекува, одлучи да си приреди патување за кое отсекогаш сонувала.Имено, кратко после смртта на нејзиниот сопруг Лео, со кој заедно минале 67 години, таа ја открила својата болест. Меѓутоа и покрај советите на докторите да се лекува, одлучила да го заврши својот живот со незаборавно патување.
Со поддршката на нејзиното семејство кое решило да и се придружи, таа го напуштила Мичиген, и веќе пет месеци посетува најразлични места ширум Америка, запознавајќи нови, необични пријатели, и правејќи работи за кои никогаш немала храброст.
И покрај нејзината болест, се чини како Норма се уште да е неуморна во откривањето на нови локации, а желбата за патување е одлучна да ја реализира до самиот крај.
