Старлетата Блек Чајна објави дека ќе се мажи за братот на Ким, Роб Кардашијан. Блек Чајна со повлечениот брат од семејството Кардашијан е во врска само три месеци, а на социјалните мрежи објави дека и подарил прстен и ја запросил.
Најголемата критичарка на семејството Кардашијан наскоро ќе стане дел од славното семејство.
Роб Кардашијан ја победи депресијата, се стави на диета, а по долгиот период на криење дома, видно среќен се појави во јавноста.
– „ДА“ – напишала Блек Чајна покрај фотографијата на која носи свршенички прстен со огромен дијамант.
Роб порано беше во врска со пејачките Адријана Бејлон и Рита Ора, додека Блек Чајна, чие вистинско име и е Анџела Вајт, беше во врска со раперот Тајга, со кого го има синот Кинг Каира. Тајга, пак, сега е во врска со најмалата сестра на Роб, Кајли Џенер.
И додека пристигнуваат честитки по повод свршувачката на Роб и Чајна, не е познато како реагирале сестрите на Роб, кои не ја поднесуваат старлетата, кој е, покрај другото, и најдобра пријателка на Амбер Роуз, поранешната девојка на Кање Вест.
