Според будистичкото учење, кармата е принцип кој е изграден врз моралните начела и верувања дека нашиот живот, карактер и судбина се одредени од нашите постапки во претходниот живот. Таа ги претставува човечките добри дела и зла според кои се одредува нашата реинкарнација. Откријте што кажува вашиот знак за животот кој сте го живееле претходно и што кармата ви носи во овој живот…
Овен (21 март – 20 април)
Луѓето кои се родени во овој период имаат неверојатна енергија која се граничи со агресивност, но и која им помага да избегаат од монотонијата и самокритиката. Правилното користење на вродените способности на овие луѓе им помага да ги исполнат своите животни цели кои се состојат од пронаоѓање рамнотежа во себе. Бидејќи кај нив се појавува судир на внатрешните искушенија и надворешните предизвици, понекогаш тешко им е да најдат мир и сигурност за кои тежнеат. Но, тоа се менува кога преку саможртвувања и низа неуспеси ќе научат како да се носат со живот дури и тогаш кога им изгледа како тој да работи против нив.
Сè што треба да направите по вашите подеми и падови е да го оставите минатото позади вас и да продолжите да живеете во сегашноста, насочени кон иднината. Вие морате без горчина и самосожалување да им дозволите на искуствата да бидат ваши учители и на тој начин да ја откриете среќата и внатрешната исполнетост која доаѓа со флексибилноста во разбирањето на животот, како и со прифаќањето на сопствените и туѓите граници и можности.
Бик (21 април – 20 мај)
Кармата која ги следи луѓето родени во овој знак се состои од креирање и отворање на сопствениот дух, како и од пронаоѓање на патот кон мудроста, разбирањето и флексибилноста. Овие луѓе од раѓање имаат добиено сигурност и самоувереност која би требало да служи како темел за останатите нивни надградувања. Под нивните експлозивни реакции и склоноста да се покорат на очекувањата и желбите од околината најчесто се кријат сомнежите и стравот дека спротивното мислење би им донело некаков губиток или пораз. Особено од оние луѓе чие мислење им е најважно.
Вие сте исклучително принципиелни, честопати ви се случува да слушате, а да не чуете или пак да гледате, но да не видите. Вие едноставно живеете со погрешното верување дека она што другите го сметаат за вистина е единствената вистина која постои. Токму затоа мора да научите како да се борите против вашата тврдоглавост и конзервативност. Вашата задача се состои од контролирање на сопствената енергија, со цел да почнете помалку да делувате во поглед на завршување на задачите, а повеќе да се посветите кон размислување, анализирање и чувствување со цел да си го отворите патот кон духовноста.
Близнаци (21 мај – 21 јуни)
Кармата кај овој знак се состои од пронаоѓање рамнотежа во својата двојна природа. Тие се вешти, брзи, љубопитни и променливи, па токму затоа ретко ги завршуваат до крај задачите кои им се зададени, иако тежнеат кон тоа да ги постигнат. Вината за неуспехот во овие случаи секогаш ја префрлаат на некој друг и на тој начин бегаат од соочување со сржта на своите проблеми. По природа се нарциси, се доживуваат како подобри од другите и веруваат дека имаат право да очекуваат најдобри позиции и награди, а не сфаќаат дека овие нешта треба и да се заслужат.
Вас подеднакво ве привлекуваат земските прашања како и духовните, но мора прво да научите како да ја совладате својата површност, промената на расположенијата и конфликтите помеѓу размислувањата и делувањата доколку сакате да ги дознаете одговорите. За да постигнете внатрешна рамнотежа потребно е да се посветите на медитација, размислување и самокритична анализа на сопствените постапки. Обрнете посебно внимание на трпеливоста и упорноста. На овој начин ќе научите да ги препознавате решенијата на вашите проблеми на оние места каде што претходно не сте можеле да ги видите.
Рак (22 јуни – 22 јули)
Кармата на овој знак вклучува развивање на својата физичка и материјална природа. Тие од својот претходен живот наследиле развиена духовна свест која сега може да послужи како темел за изградување на практичните извори на нивниот живот. Токму затоа тие мора да ја избегнуваат медитацијата и да се ослободат од емотивноста којa во нив раѓа потреба за постојани докази на љубов, внимание и лојалност. По својата природа Раковите не се војници и потполно е нереално од нив да се очекува борбеност или агресивност.
Кога сте присилени да се борите против вашите верувања, вие секогаш завршувате како губитници и толку затоа ви страда самодовербата и кај вас се раѓаат нови комплекси и фрустрации. Бидејќи оваа борба е нефер и вознемирувачка, вие едноставно треба да се тргнете од неа. Вашата самоувереност и самодоверба се темели на вистински и проверен квалитет, па токму тоа треба да биде вашето најсилно оружје. Кога ќе сфатите дека духот и телото можат да бидат целосни, вие ќе ја зголемите вашата независност и ќе сфатите дека соочувањето со животот не мора да биде толку болно.
Лав (23 јули – 23 август)
Од својот претходен живот, Лавовите во овој свет носат развиена свест за реалноста. Тие претходно успеале да постигнат оптимална рамнотежа помеѓу духовните и материјалните потреби и знаат како да се задоволат себеси, но и како да ја задоволат околината. Токму затоа тие очекуваат во сите области од својот живот да се почитува нивниот авторитет. Но, доколку претераат со егоизмот и егоцентричноста, без разлика на нивните квалитети, тие можат да го нарушат развојот на својата личност. Нивната карма се состои од тоа секогаш да слушаат што другите имаат да им кажат и да им дозволат да научат нешто од тоа.
Бидејќи поседувате вродена способност да го разликувате доброто од злото, доколку им верувате на своите инстинкти нема да дојдете до ситуација каде што би биле излажани. Искреноста, отвореноста и едноставноста ви ги отвора сите врати. Но, не смеете да ги омаловажувате послабите од себе и да ги проценувате туѓите животни вредноста само според вашите стандарди. Вие мора да сфатите дека животот е разновиден и дека како таков треба да го прифатите.
Девица (24 август – 22 септември)
Луѓето родени во овој знак наследиле самодисциплина, која овозможува стекнување на способноста да развијат добар став кон материјалните вредности, трудот и учењето. Тие веруваат дека е нивна должност да ги чуваат под контрола своите чувства, во име на поголемата слика. Со овие постапки, кои многумина не ги разбираат, тие несвесно се изолираат од оние луѓе кои тежнеат кон топли човечки односи и кои поради нивната несигурност и страв од зближување погрешно ги толкуваат како студеност и недостапност. Нивна задача е да научат како да се грижат за другите и да изразуваат наклонетост и љубов, како со зборови, така и со дела. Тие мора да се заштитат од критиките и да не се откажат од идејата да ги сфатат и туѓите мотиви.
Иако сте способни за давање, исто како и за примање, вие во сè што правите сте премногу преокупирани со размислување за себе и за својата позиција, па токму затоа би требало повеќе да се потрудите при препознавањето на вашите чувства и повеќе да се наклоните кон нив. На овој начин ќе ги избегнете бескрајните самоанализи кои постојано раѓаат нови сомнежи во изградбата на вербата во вас и вашите одлуки.
Вага (23 септември – 22 октомври)
Вагите тежнеат кон рамнотежа помеѓу духот и материјата, па токму затоа им е многу тешко да се одлучат за каква било акција. Тие се благи и мирни и не сакаат да се впуштаат во конфликти, дури и по цена да ја изгубат сигурноста во себе. Нивното постојано вртење грб на проблемите и барањето на полесниот пат најчесто не им носи ништо позитивно, туку ги поставува пред низа нови препреки на патот кон градење на својата личност. Нивната карма се состои од прифаќање ризик и правење промени во својата статичност.
Дури откако ќе се отворите кон новите предизвици и ќе ја ризикувате вашата лажна сигурност, можете да очекувате да постигнете поголеми животни успеси. Понекогаш ова можете да го научите од падовите, до кои доаѓате поради вашата преголема нестабилност и чувствителност, како и поради способноста да се убедите дека сте добри дури и тогаш кога не сте. Откако ќе ги потрошите сите други средства, вие дури тогаш тргнувате во борба за докажување на вашите способности. Доколку застанете на патот на својата инертност, тогаш ќе научите голема лекција од која во иднина ќе имате корист. Кармата на вашиот знак се состои во јакнењето на храброста и борбата со вашата моментална состојба.
Скорпија (23 октомври – 22 ноември)
Луѓето родени во овој знак располагаат со огромна енергија, која во оние ситуации кога не е под контрола може да стане разорна и деструктивна. Тие секогаш мора да ја имаат на ум можноста на изборот кој лежи во самите нив и која не е наметната од околностите или мислењето на околината. Нивната хедонистичка природа ги поставува во центарот на сите настани, предизвикувајќи ги да ѝ се спротивстават. Овие луѓе пред сè мора да научат како достојно да губат и да се откажат, со цел подобро да се подготват на одговорноста која ја носи со себе успехот.
Вашата карма се состои од развивање на логичко размислување и контролирање на вашата страст. Мотивацијата ви е поврзана со желбата за освојување на духовните цели, при што мора да знаете да го сопрете вашиот претеран ентузијазам. Инсистирањето да се решаваат конфликтните ситуации со личности кои ве сметаат за непријатели или противници може многу да помогне при вашиот развој.
Стрелец (23 ноември – 21 декември)
Луѓето родени во овој знак во однос на кармата, ја имаат достигнато својата етапа на созревање. Тие знаат кое е нивното место во овој свет и не се оптоваруваат со внатрешни кризи и конфликти. Бидејќи ја имаат постигнато рамнотежата помеѓу духот и материјата, тие сега смеат да поседуваат материјални добра и да уживаат во земскиот успех, под услов да останат отворени и великодушни. Нивната главна цел треба да е споредувањето, вниманието, разбирањето како и помошта и заштитата на слабите, немоќните и изгубените.
Правилен избор за вас претставува градење на мудроста во текот на целиот живот, без желба за осуда или одмазда. Изразената свест за сопствените способности најдобро може да се искористи доколку се употреби за општо добро, наместо да се насочува само кон задоволување на вашите потреби. Бидејќи вашиот апетит лесно може да стане преголем и да прерасне во алчност, вашата карма се состои од градење внатрешен мир и избегнување на сите облици на себичност и посесивност. Вие мора јасно и објективно да ги одбирате целите на својата активност, така што нема да ја расипувате енергијата онаму каде што тоа не е потребно.
Јарец (22 декември – 20 јануари)
Луѓето родени во овој знак имаат вродена способност да го подигнат својот дух над материјата. Тие тежнеат кон достигнување супериорно знаење и на тој пат често наидуваат на различни искушенија. За време на својот живот често се соочуваат со неразбирлива околина која тешко ги прифаќа нивните идеи и/или ставови. Во душата тие се чувствителни, не се прилагодуваат лесно и обично со грубост ги прикриваат своите вистински чувства. Кога треба да одбираат, тие попрво би се одлучиле за критика отколку за разбирање и најчесто повеќе се за одмазда отколку за опростување. Тие не можат да се одречат од слаткиот вкус на победата дури и по цена таа да им донесе повеќе штета отколку уживање.
Токму затоа мора да научите да не бидете цинични и негативно настроени кон себе и својата околина така што ќе докажувате дека сте интелектуално супериорни. Признанијата кои ги добивате често се заслужени, но вие не знаете како да покажете топла благодарност за нив. Од друга страна пак, вашата подготвеност за жртвување и одрекување понекогаш се граничи со фанатизам. Вие мора да ги избегнувате изложувањата на тишина и осаменост и да се присилите на друштвени контакти. Исто така треба да научите како да бидете поотворени кон другите.
Водолија (21 јануари – 19 февруари)
Луѓето родени во овој знак се преоптоварени со потешкотии при решавање на конфликтите од своето минато. Ограниченото воспитување, моралот и стравот од авторитети го приземјува нивниот слободен дух, им наметнува премногу компромиси, фиктивни обврски и одговорност со кои се правдаат за недостатокот на храброст при креирање на својот живот според своите желби. Нивното бегство во крајности е последица од недостатокот на свест за можните избори.
Вие мора да се борите против вашите внатрешни поделби и да ја преземете одговорноста за своите постапки. Се плашите од реакции и критики од околината, па токму затоа одбирате привидна сигурност наместо отворен предизвик. Вашите постапки изгледаат алтруистички, но вие всушност го правите тоа бидејќи се плашите од последиците кои ќе настанат од вашите дела. Доколку сакате навистина да ја завршите вашата задача, мора да ги прифатите ризиците.
Риби (20 февруари – 20 март)
Иако овој знак има вродена способност за интуитивно размислување и делување, припадниците на Рибите често се збунети од реакциите и притисокот на околината бидејќи сакаат на сите да им угодат. На овој начин и се појавуваат барањата и очекувањата кои не се во нивен интерес. Доколку направат грешка, тие ќе поминат низ измислена казна која самите си ја наметнале, сметајќи дека на тој начин ќе го отплатат долгот. Но, што и да прават, рибите би требало да се потпрат на своите инстинкти и да не обрнуваат толку внимание на она што другите сметаат дека би било добро за нив.
Бидејќи вашите чувства најчесто се точни, вие треба да направите рамнотежа помеѓу вашите дела и вашите емоции. Но, не мора да се борите, доволно е само да бидете искрени да се препуштите. Доколку нешто барате, тоа значи дека можете и да го добиете. Вашата карма се состои од наоѓање сила и барање на сопствениот пат без притоа да се водите од туѓите потреби. Вие мора да ги елиминирате сите ситуации во кои сте присилени да правите нешто што не сакате.