Страшна вест пристигна од Индија, која вели дека расправа помеѓу двајца пријатели околу тоа кој е подобар фудбалер, Роналдо или Меси, завршила со убиство.
Речиси една деценија фудбалските вљубеници, дебатираат околу тоа кој е подобар фудбалер Кристијано Роналдо или Лионел Меси, а една таква расправа во индискиот град Мумбаи завршила трагично.
Шпанската новинска агенција EFE, пренесува дека расправа помеѓу двајца Нигеријци на роденденска забава во Мумбаи завршила со убиство.
Славеникот, Обина Мајкл Дурумчуква, навивач на Реал и Кристијано Роналдо, фрлил со чаша кон пријателот Нвабу Чуквуму, фан на Меси и Барселона. Наместо пријателот чашата завршила во ѕидот зад него, а од овој гест Чуквуму толку се изнервирал што со едно парче стакло го преклал пријателот, кој набргу искрварил и починал.
Инаку ова не е и прв случај на расправа за тоа кој е подобар Роналдо или Меси да заврши трагично. Пред три години, во Ирак, навивач на Барселона со нож усмрти навивач на Реал, додека заедно го гледале големото дерби помеѓу Барселона и Реал.