Додека благата и добро скриена љубомора може да влијае позитивно на блискоскта, ова интензивно чувство може да заврши кобно…
Кој најдобро ја контролира љубомората, а кој постојано се обидува да откопа нова информација?
Овен
Овој знак живее од доверба, па таа му е секогаш на првото место во врската. Иако ги презираат лагите и лицемерието, сепак може многу лесно да станат љубоморни ако почувствуваат дека некој ги лаже. Важно им е да ја искажат несигурноста, наместо да бегаат од проблемите.
Бик
Овој земјен знак сака хармонија и среќа, па токму затоа ако почувствува и најмал сомнеж во верноста на партнерот, во него се буди детективскиот дух. Со сите средства се обидува да дознае за што точно се работи, па склони се на прилично љубоморни сцени. За жал, често пати имаат добра причина.
Близнаци
Личностите родени во овој знак по природа не се љубоморни, но понекогаш самите си создаваат некои сцени во главата без причина. Љубопитни се и жедни за акција. Понекогаш лутаат и во фантазиите бараат доказ за неверството, што по извесно време ги прави многу несреќни во љубовта.
Рак
Овој знак ретко е љубоморен затоа што во поголем дел од времето е заслепен од љубовта. Толку е предаден на личноста која ја сака, што не сака ни да помисли на неверство од било која страна. Но, ако пронајдат причина за љубомора и најмал сомнеж, ќе копаат по информации со денови и месеци. Тешко простуваат неверство.
Лав
Припадниците на овој знак често стануваат љубоморни, а причината е нивната гордост или стравот дека не се доволно сакани и почитувани. Од партнерот очекуваат да ги слуша и почитува, сакаат да доминираат, па заради тоа неретко се неиздржливо љубоморни.
Девица
Родените во знакот на Девица често претеруваат кога го искажуваат чувството на љубомора. Сакаат да доминираат и да имаат целосна контрола, како над своите, така и над чувствата на партнерот. За нивните партнери недозволиво е исчезнувањето на неколку часа. Воопшто не го почитуваат личниот простор.
Вага
Овој знак едноставно го обожава партнерот. Воопшто не е љубоморен тип и за љубовта се подготвени да дадат многу. Меѓутоа, кога и да почувствуваат дека добрината е искористена или толеранцијата злоупотребена, Вагите стануваат љубоморни и опасни. Нивната љубомора се претвора во негативна сила која може да ве уништи.
Скорпија
Можеби најљубоморниот знак во зодијакот. Скорпиите најчесто се љубоморни на секој што ќе се доближи до нивниот партнер. Чувствителни се и заштитнички настроени. Имаат нагласени емоции во кои спаѓа и љубомората која е многу тешко да ја совладаат и контролираат. Најпаметно е да не запаѓате во ваков вид на конфликти со Скорпиите.
Стрелец
Овој знак е прилично љубоморен, но тоа никогаш нема да го признае затоа што така ќе му настрада гордоста. Исто така, припадниците на овој знак никогаш не го забораваат или простуваат неверството. Токму затоа, не ја тестирајте издржливоста и љубомората на Стрелецот, вие ќе настрадате.
Јарец
Припадниците на овој знак никогаш нема да го заборават лошото искуство со партнерот. Иако звучи необично, Јарците сепак не се љубоморен знак и не сакаат премногу да ги истражуваат своите сомнежи. Меѓутоа, ако некој им каже дека се изневерени, крајот е запечатен.
Водолија
Најчесто не се љубоморни, а ако за момент ја почувствуваат, со сите сили ќе се обидат да ја сокријат. Токму затоа може да станат зајадливи. Ако некако откријат дека се изневерени, не бараат одговори не и дискутираат. Само ви ја трескаат вратата пред нос.
Риби
Љубомората е константно чувство кај Рибите. Од партнерите бараат премногу внимание и љубов, па токму затоа секоја ситница кај нив предизвикува сомнеж. Ако еднаш не им кренете телефон, подгответе се за бура. Рибите не ги простуваат ни најмалите грешки, како безопасен флерт.