Летото полека ни се приближува, а со самото тоа и соочувањето со вечната женска летна дилема – како да се одбере идеалниот костим за капење.
Се чини дека пазарот нуди речиси сè што им е потребно на жените – висока половина, ниска половина, врзување, на копчиња, триаглесто бикини со меки и цврсти кошници, костими кои ги прикриваат недостатоците и ги истакнуваат совршените делови од телото…
Што се однесува до долниот дел, важно е да не е преголем ниту премногу мал, да покрива сè што треба и да не се поместува додека се движите, а бирањето на горниот дел е малку покомплицирано.
Јаболчеста форма на телото – еднобоен горен и шарен долен дел од бикинито
Ако имате „јаболчеста“ градба, одберете костим за капење чиј горен дел е еднобоен, а долниот е шарен, пожелно со искривена линија од страната која ќе остава впечаток дека сепак, имате половина.
Широки колкови – впечатлив горен и едноставен долен дел
Од друга страна, жените кои имаат широки колкови треба да бираат костими за капење со впечатлив горен дел и еднобоен, помалку впечатлив долен дел.
Мали гради – впечатлив горен дел
Ако имате мали гради, за вас се идеални триаголните бикини или пуш-ап костимите кои изгледаат како градник. Сепак, не треба да претерувате со перничињата, бидејќи вашата мала „измама“ на плажа ќе биде лесно видлива. Важно е само нежно да ги нагласите градите. Добар трик се и шарени примероци како точки или цветчиња кои ќе ги направат градите визуелно поголеми.
Големи гради
Најголема грешка е големите гради да ги „спакувате“ во триаголни бикини за два броја помали – ефектот е сосема погрешен. Ќе изгледа вулгарно, а не женствено. За вас, идеални се кошниците кои даваат поддршка. Доколку сакате визуелно да ги намалите градите, послужете се со следниот трик – одберете горен дел во потемна боја и гаќички со „жив“ дизајн.
Стомаче – едноделен костим за капење
Доколку имате масни наслаги на стомакот, едноделниот костим ќе го затегне и визуелно ќе го намали вашето стомаче.
