Американската пејачка Лејди Гага призна дека има здравствени проблеми и дека страда од посттрауматски стрес.
Лејди Гага во рамки на својата кампања „Share kindness” го посети центарот во Бруклин каде се сместени ЛГБТ бездомниците и зборуваше со нив. „Share kindness” е заеднички проект на нејзината фондација „Born this way”, Today и NBC Universal. За време на таа посета, Гага отворено зборуваше за многу проблеми.
– „Овие деца не се само бездомници. Многу од нив претрпеа разни трауми. Тие се отфрлени на некој начин. Не сум ништо подобра од тие деца. Не сум ни полоша.“ – рече пејачката и додаде: „Исти сме. И едните и другите одиме на две нозе по иста земја и во ова сме заедно”.
Поп дивата откри дека и таа има здравствени пореметувања: „Страдам од ментална болест – страдам од посттрауматски стрес. На никого не сум му кажала за ова.”
Лејди Гага порано во интервјуто за „The Horward Stern Show” откри дека како тинејџерка била силувана. Тогаш, таа го криела тоа што и се случило, бидејќи не сакала силувањето да ја дефинира како личност.