Кога во 1998-та година „Chevrolet“ во соработка со „AvtoVAZ“ на Русите им понуди потполно нова „Niva“, којашто наместо логото на „Lada“ го понесе логото на американскиот бренд, изгледаше како веќе “возрасниот претходник” со коцкаст дизајн да се подготвува за пензија.
Mеѓутоа, класичната “коцкаста” „Lada“ покажа и докажа дека е навистина “жилава” опстојувајќи сè до денешен ден. Сепак, новата „Lada“ во Русија се продава под ознаката „Lada 4×4“, а името „Niva“ му е препуштено на „Chevrolet“.
Втората генерација на „Chevrolet Niva“ би требало да се појави на рускиот пазар во 2016-та година.
Линиите на новиот модел беа откриени уште во летото во 2014-та година, кога на Саемот во Москва беше претставена концептната верзија, а благодарение на патентираните цртежи, сега имаме можност да видиме како ќе изгледа и серискиот модел.
Дизајнот на продукциската верзија е речиси во потполност пренесен од концептот, а руските медиуми наведуваат дека новата „Chevrolet Niva“ би требало да има 1.6 или 1.8 литарски мотор со моќност од околу 120 КС.
Колку за потсетување, прототипот којшто беше прикажан на Саемот во Москва беше опремен со атмосферски 1.8-литарски бензински агрегат со 135 КС, додека моќноста се прнесуваше на сите четири тркала преку 5-брзински мануелен менувач.
https://www.youtube.com/watch?v=ChQuUoasZuQ