Конзумирањето „light“ и „slim“ цигари влијае на развивање карцином на белите дробови кој тешко се дијагностицира и кој брзо напредува.
Др. Огуз Килинц, член на работната група за контрола на конзумирање тутун на здружението Торкас во Турција, рекол дека конзумирањето тутун предизвикува различни болести меѓу кои и карцином.
Тој додал дека порано врежана била праксата дека конзумирањето тутун предизвикува карцином на бронхиите, а дека денес користењето на „slim“ и „light“ цигари предизвикува рак на периферните делови на белите дробови каде тешко е да се открие.
Килинц потсетил и на тоа дека пушачите кои ги користат овие видови тутун вовлекуваат повеќе дим како би почувствувале повеќе никотин и дека аромата и бојата на тутунските производи не го намалува влијанието на никотинот врз здравјето.
Лекарот Килинц смета дека неопходно е да се стави под контрола тутунската индустрија со цел да се намали конзумацијата на тутун.
„Убиецот и кога ќе се маскира е убиец. Затоа, тутунските производи, било „слим“ или обични, сите се убијци“, рекол Килинц.