Ви требаат само 20 минути за да ги направите овие чоколадни бајадери

30 април, 20160
15

Откако ќе го послужите совршено подготвениот ручек, непцата на најблиските, а и вашите веројатно очекуваат вкусно, слатко задоволство кое ќе ве маѓепса уште на прво залче. Затоа, ви ги предлагаме овие брзи бајадери без печење и филување.

Состојки:

  • 2dl вода
  • 550g шеќер
  • 300g мелени ореви
  • 300g мелени бисквити
  • 250g путер
  • 100g чоколадо за готвење

За чоколадна глазура:

  • 150g чоколадо за готвењe
  • 2 лажички масло

Подготовка:

Во голем лонец ставете ја водата со шеќерот да се загрее, додека целосно не се растопи. Потоа додајте го и путерот. Кога и тој ќе се растопи целосно, додајте ги оревите и мелените бисквити и непрестанато мешајте. Треба да добиете изедначена смеса.

Добиената смеса поделете ја на 2 еднакви дела. Во едниот додајте го растопеното чоколадо, а во вториот може да додадете рум ако сакате или да го оставите така.

На чинија или тава поставете мрсна хартија за печење, а потоа ставете го првиот чоколаден дел од смесата и со раце обликувајте квадрат или правоаголник. Повторете ја постапката и со вториот дел.

Чоколадото за глазура истопете го на пареа и додадете малку масло. Прелијте ја бајадерата.

Најдобро е да отстои неколку часа во фрижидер пред послужување. Исечете коцки или правоаголници и уживајте!

vi-trebaat-samo-20-minuti-za-da-gi-napravite-ovie-cokoladni-bajaderi-02.jpg

Leave a Reply

Your email address will not be published. Required fields are marked *