На прв поглед ќерката на Жан-Клод Ван Дам изгледа како нежна пинап девојка, но таа е очигледно поопасна и од својот славен татко. Тоа шеговито го вели Бјанка Ван Дам (Бјанка Бри), девојката која со години блеска на филмското платно, глумејќи покрај татко си.
Бјанка е актерка и продуцентка, која се занимава и со боречки вештини. Поранешната шампионка во брзо лизгање заплива во актерските води откако поради повреда се откажа од својот сон да учествува на Олимпијада.
Во 2007 година, таа ја доби својата прва филмска улога во „The Shepherd“, во кој главниот лик го глуми Жан-Клод.
25-годишната девојка, која е дете на Ван Дам и неговата сопруга и шампионка во бодибилдинг Глејдис Португис, е доказ дека една жена може да биде нежна, елегантна и женствена, но истовремено и силна и борбена. „Сакам да им покажам на малите девојчиња и на малите момчиња дека можеш да бидеш физички силна и женствена. Дека можеш да ги прекрстиш нозете додека си на вечера и да покажеш моќ на нежен, женствен начин“ – вели Бјанка.
Врската татко-ќерка меѓу Бјанка и Жан-Клод варирала низ годините, поради проблемите со дрогата на татко ѝ и браковите со други жени, но сега односите меѓу нив се добри. „Нашата врска дефинитивно имаше свои подеми и падови, но сега сме добри. Ќе прифатам да се сретнам со него, а потоа се прашувам зошто сум таму кога јас сум перфекционист, како што е и тој, па тој секогаш има забелешки за мојата фигура. Тој ќе ми рече: Гледај колку висок е мојот удар со нога, а јас му возвраќам: Тато, не може да си сериозен, очигледно е дека сум подобра од тебе“ – шеговито вели Бјанка.
Жан-Клод Ван Дам и мајката на Бјанка, Глејдис Португис
