Фестивалот на мраз во Харбин секоја година им приредува на гледачите вистинска зимска бајка. Оваа година тој го одбележува својот 30ти јубилеј. Фестивалот кој започна на 5 јануари, ќе трае околу еден месец, а за тоа време ова зимско чудо во северна Кина ќе биде дом на најспектакуларните склуптури направени од огромни парчиња мраз, осветлени со многу ЛЕД светилки. Скулпторите две седмици пред фестивалот ги делкаат огромните блокови мраз и се подготвуваат за отварањето. Резултатите се екстравагантни замоци, Колосеумот и многу други дела пред кои публиката занемува, а сите тие се направени од мраз од реката Сонгуа.
