Доколку имате акни, митесери или друг вид на кожни проблеми, најделотворни лекови се оние на природна база. Доколку вашето лице го ставите под пареа тоа може да ги реши вашите проблеми. Еве неколку предлози, а вие одберете го тој што најмногу ви одговара:
Зелен чај
Зелениот чај ќе ја заштите вашата кожа од разни негативни надворешни влијанија.
Подготовка: во врела зовриена вода ставете зелен чај оставете да постои така 10 до 12 минути. Потоа со чист пешкир наведнете ја главата над зделата со водата во која веќе има зелен чај и покријте ја главата со чистиот пешкир. Во таа положба останете пет минути, а потоа избришете го само лицето со сув и чист пешкир.
Камилица
Камилицата е една од најупотребуваните билки во козметиката. Можете да ја користите и како средство за отстранување на нечистотијата од порите.
Подготовка: во врела зовриена вода ставете сушена камилица оставете да постои така 5 минути. Потоа со чист пешкир наведнете ја главата над зделата со водата во која веќе има камилица и покријте ја главата со чистиот пешкир. Во таа положба останете 10 минути за да постигнете значаен резултат. На крај откако ќе се олади водата можете да го измиете лицето со истата.