Експертите тврдат дека првите секунди од запознавањето се од суштинско значење, бидејќи луѓето создаваат впечаток за некого токму во првите седум секунди. Тоа го тврди и Линда Блер, клинички психолог. Според неа, процесот на проценка не е свесно воден, тоа го правиме несвесно, поттикнати од нашите примитивни инстинкти кои не ни дозволуваат да погрешиме. Всушност, како што велат експертите, проценката во седум секунди е предизвикана од инстинктот за опстанок, кога морало да се проценуваат другите, за да се оцени дали претставувале закана. На првиот состанок оценуваме дали ние сме загрозени, но го градиме и ставот за другата особа. Сепак, поради краткиот временски рок, и желбата да ги спознаеме другите, не обрнуваме внимание дека и другата страна во истото време го остварува првиот впечаток за нас. Експертите препорачуваат дека на првиот состанок јасно треба да покажеме кои сме и што сакаме, да не оставиме впечаток на анксиозна, срамежлива или несигурена личност.