Пред осум месеци објавија дека се во врска, а сега веќе ја планираат венчавката, откако се верија во Аспен.
Париз Хилтон открива дека за помалку од година дена заедно, нејзиното момче ја побара за жена.
-Возбудена сум бидејќи се верив со најдобриот пријател и љубовта на мојот живот. Никогаш не сум била толку среќна, сигурна и сакана. Тој е вистинскиот човек за мене и ми покажа дека бајките навистина постојат – открива Париз Хилтон на својот Инстаграм профил, каде среќните новости ги споедила со речиси осум милиони пријатели.
Романтичниот момент се случил минатиот викенд на скијање во Аспен. – Бев толку многу возбудена и изненадена, веднаш одговорив со „ДА” – признава 36 годишната старлета и додава дека нејзиниот вереник го одбрал најубавиот веренички прстен што постои.
Богата наследничка и глумецот, кој е познат по улогата во серијата „Остатоци”, се запознале пред осум години, но патиштата им се споиле дури пред две години. Својата врска ја објавиле во февруари 2017 година, но Париз тврди дека знаела дека тој е вистинскиот веднаш после првиот состанок.
-Во животот немам запознаено никој толку посветен, внимателен и полн со љубов. Веднаш знаев дека сакам засекогаш да бидам со него – изјавила Париз за магазинот „People”.