Адријана Лима е на чекор до прославувањето на својот 40ти роденден. Нејзиното минато пак, крие многу турболентни моменти, кои на нејзиното лице, за среќа, воопшто не се забележуваат. Поточно, кога имала само шест месеци, нејзиниот татко го напуштил семејство, па нејзината мајка морала сама да се грижи за неа.
Адријана, всушност, поседува афро-бразилска, португалска, швајцарска, јапонска и индијска крв, а зборува и на португалски, англиски, италијански и шпански јазик.
За време на својата блескава кариера како модел, Адријана носела Библија со себе позади сцената и се молела пред секое излегување на модната писта.
Како мала, сонувала да стане чесна сестра, што сега на сите нас ни делува незамисливо.
Премногу е спиритуална, како што пренесуваат странските медиуми, верува во енергија, природа и духови.
Потсетуваме, Адријана се омажи за Марко Јариќ после девет месеци врска, а стапија во брак во 2009та година. Парот се разведе во 2016та година, а заедно имаат две ќерки.