На сите мали играчки или играчки кои содржат ситни делови пишува дека не треба да се даваат на мали деца, бидејќи постои опасност да ја стават во уста и да се задушат. И покрај тоа што вакви предупредувања не пратат од самото раѓање на бебето, статистиката покажала дека децата и понатаму страдаат од задушување со предмети кои ги ставиле во својата уста, односно 1/3 од смртност на деца под 14 години се препишува на оваа опасност. Колку се помлади децата толку е опасноста поголема поради сеуште неускладениот систем за дишење и хранење, а од друга страна поради самиот облик на душникот кој е цилиндричен.
Постојат начини како да се избегне оваа трагедија, но треба да знаете и што никогаш не треба да направите, како на пример со раце да се обидете да го извадите предметот од устата на детето.
Родителскиот пекол започнува кога во устата на детето ќе се заглави преголем залак, парче јаболко, недоволно соџвакана корка леб или едноставно копче од облеката или дел од играчка. Очите на детето се шират и почнува да кашла. Инстиктивно, телото се обидува да го исфрли предметот кој е заглавен и да продолжи со дишење. Во повеќето случаеви неколку пати ќе се закашла и ќе го исфрли, но кога тоа не е доволно од клучно значење е како да се помогне на детето.
Педијатрите направиле список на правилни постапки во случај на гушење.
- фатете го детето за долната вилица и поставете го преку вашето колено
- фатете го детето со две раце и гушнете го од зад грб и рацете да ви се поставени на неговиот граден кош со тоа што ќе го наведнете благо нанапред и ќе вршите притисок со силно притискање и отпуштање најизменично.
- Ако предметот е заглавен во душникот и го прекинало дишењето би било најдобро да се повика Брза Помош но за тоа време да не го оставате само детето во ниеден случај