Ирина Какамада е руска новинарка, економист, политичар и активист. Ова се нејзините цитати за љубовта, илузиите, навредите, ударите на судбината и сите оние рани што животот ни ги отвора.
1. Првото нешто што треба да се стори е да се ослободиме од илузијата на принцот што ќе дојде, ќе нè земе во рацете и ќе не однесе некаде далеку од суровата судбина. Со текот на времето, некое лице се уморува да ве носи, а вие паѓате како тежок куфер. За да се избегне судбината на напуштениот куфер, жената треба да се концентрира на сопствениот сон, а не на наоѓање маж.
2. Како да го издржиме ударот? Мојот главен принцип е да умрам однапред. Само самурајот кој веќе е мртов ја победил смртната борба. Замислете и преживејте го најлошото сценарио во вашата глава. И, тогаш замислете што ќе направите после тоа. Јасно и конкретно, чекор по чекор, замислете што би можеле да направите после тој најлош момент во животот. Потоа, како и во филмот, вратете се назад во правиот кадар и започнете ја борбата.
3. Ако ми кажат: „Ирина, ти си будала!“ Јас одговарам, “Да, се согласувам!” И јас одам да го направам она што мислам дека е потребно. Никогаш не докажувајте ништо! Никогаш не мерете ништо! Особено не кај мажите. Ако почнете да го правите тоа, тоа нема да заврши добро.
4. За да изградите хармоничен однос со некого, прво мора да создадете хармонија со себе и да се сакате себеси.
5. Научете да сонувате, да поставувате високи цели и да тргнете по нив. Во исто време, постигнувањето на високо ниво зависи од процесот. Ако успеете да пронајдете и развивате енергија во себе, нема да ви бидат потребни повеќе напори, сè ќе се собере, сè ќе дојде по свое: соништа, кариера и љубов.
6. Жената која е во состојба да комбинира и развива и машки и женски принципи е единствена жена. Таква беше, на пример, Коко Шанел.Ако го сакате тоа – го можете и вие.
7. Жена – ракета е онаа која брза напред, постигнувајќи да ги обедини целта и сонот, а интелигентниот маж знае да ја цени таквата жена. Му треба таква жена на која потребно и е само нешто да и “кликне”, за да има мотивација да “полета” и да ја заврши целата работа.
8. Кога запознавате човек, мора јасно да му кажете некои работи,и потоа да се правите луди. Таа транзиција мора да биде незабележителна. Затоа што мажите секогаш се плашат или се срамат од нешто. Ако жената е премногу паметна, или премногу наивна, или премногу убава, итн. Значи, мора да бидете непредвидливи, да градите одлична комуникација со леснотија и хумор.
9. Ако мажот не сака да се промени, вие имате два избори: или да живеете со него каков што е или да се навикнете да живеете без него. Ако не можете да одлучите, проблемот не е во него, проблемот е во вас.
10. Човекот не треба да биде целиот наш свет, туку еден дел од него.
11. Постигнувањето на целите е на прво место, парите се на второто место. Потребни ви се точно онолку пари колку да се остварат вашите соништа. И да се разбудите секој ден со мислата: Боже, ја мразам оваа работа, но ќе умрам ако не сум успешна во неа.
12. Учете цело време, впивајте нови информации. Тоа е гаранција дека ќе преживеете и во најтешките моменти. Еднаш имав предавања во Оксфорд и запознав девојка од Русија. Дојде сама да студира филологија, работи во добра банка и живее сама таму. Таа вели: Немате претстава какво е тоа чувство. Сега знам дека можам да направам се што ќе посакам!
13. Не плашете се од очајот. Спуштете се до самото дно. Еднаш се затворив и се очајував до тој степен што си бев мизерна на себеси. Се гадев од себе. Несреќата ми стана драга, но тогаш моето тело се умори од очај. Сфатив – животот продолжува! Не сум мртва, сонцето сјае! Станав и продолжив понатаму со животот!
14. Судбината е како лав: ако се плашите, ќе ве нападне. Ако нема страв, нема потреба да трчате!
