Оскаровецот Џеф Бриџис и неговата сопруга Сузан Гастон во јуни годинава ја прославија 43-та годишнина од бракот, годишнина што е навистина ретка меѓу паровите во Холивуд. Славниот актер сега ја откри тајната на нивниот долгогодишен брак со списанието „Пипл“. “Јас сум навистина благословен. Ние сме навистина различни луѓе, но го славиме тоа и не дозволуваме ништо да не раздели. Ја почитувам нејзината мудрост”, истакна Џеф. 70-годишниот актер ја запознал својата 67-годишна сопруга во 1974 година кога таа имала 20 години и работела како келнерка на ранч, каде што го снимил западниот „Ранчо Делукс“. „Тоа беше љубов на прв поглед“, призна Бриџис, кој отиде кај олтарот со Сузан две години откако се сретнаа. Минатата година неразделната двојка го продаде својот ранч во Монтесито на својата сосетка Опра Винфри за дури 6,8 милиони долари, а денес живеат во Монтана. Тие минатата година таму ги поминаа и Божиќните празници заедно со своите три ќерки Изабел (39), Џесика (37) и Хејли (34) и нивните семејства.
“Тие се сакаат и поминуваат многу време заедно. Постојано си поставуваат прашања, за да бидат сигурни дека и двајцата уживаат во сè”, изјави нивната ќерка Изабела. Таа истакна дека бракот на нејзините родители е вистинска инспирација за неа и нејзините сестри и не криеше како има среќно воспитување полно со љубов. Заедно со нејзиниот татко, Изабела објави книга за деца, која тие ја напишаа и илустрираа.