Почна како асистент на реалното шоу на Парис Хилтон, а потоа смисли и свое семејно шоу со кое постигна голема слава. Потоа се фрли во производство на козметика, облека и долна облека, додека истовремено се занимаваше со адвокатска кариера. Се чини дека сето ова не е доволно за амбициозната Ким Кардашијан.
Веќе неколку години таа успешно работи со козметичкиот бренд KKW Beauty, што го започна и чиј удел го продаде на големата козметичка компанија Коти, со што стана побогата за 200 милиони долари.
Според списанието „Пипл“, Ким неодамна законски го заштитила името KKW Home, а во иднина планира да се фрли во производство на бројни предмети за домаќинството и додатоци за внатрешна декорација.
Во документот до кој дојде магазинот „Пипл“, Кардашијан Вест наведува дека KKW Home ќе содржи „подароци, производи за широка потрошувачка, производи и додатоци за бањи и тушеви, мебел и додатоци за спални, и мебел и додатоци за дома“.
