Познатиот италијански готвач Стефано Цила го откри рецептот за најдобар сос болоњезе. Овој одличен готвач на почетокот истакнува дека вистинскиот избор на мелено месо е многу важен, затоа ве советува да купувате месо со поголем процент на маснотии. Следно, тој наведува други состојки: голем кромид, два моркови, 100 грама целер, малку рузмарин, 1,5 литри пире од домати, 100 мл екстра девствено маслиново масло, 200 мл добро црвено вино, сол и бибер.
Што се однесува до тестенините, тој препорачува само шпагети, пишува Хафпост. Стефано вели дека сосот мора да се готви околу три и пол часа за да добие најдобар вкус.
Подготовка:
Зеленчукот исечкајте го на мали коцки, а потоа ставете го во тенџерето во кое претходно сте го загревале маслиновото масло. Додадете гранче рузмарин и варете на средна топлина околу пет минути. Додадете месо, сол и бибер, потоа ставете го на висока температура и варете, мешајќи повремено. Кога месото ќе стане кафеаво, извадете го рузмаринот (ако сте користеле гранчиња), додадете црвено вино и оставете алкохолот да испари. После тоа, ставете ги пасираните домати и варете на тивок оган три и пол часа. Повремено мешајте на секои 10-15 минути. Додадете повеќе зачини по желба.