Една од работите за кои сигурно никогаш не сте рзмислувале е тоа дека речиси сите патенти од вашите јакни, фармерки, чанти имаат затворач со ознаката YKK.
Тие иницијали се појавуваат на патенти на различни видови и марки на облека.
Буквите означуваат ‘Yoshida Kogyo Kabushikikaisha’, или преведено од јапонски на англиски-‘Yoshida Company Limited’. Јапонската компанија Јошида е голем производител на патент затворачи. Произведуваат речиси половина од сите затворачи во светот.
Затворачите ги произведуваат од 1934 година а довербата им ја дале и најголемите брендови бидејќи тие се квалитетни. Имаат голема палета на бои, форми и стилови. Но, YKK нема ништо со пронаoѓањето на изумот патент затворач. Тоа признание му припаѓа на Виткомб Л. Џудсон кој го измислил “ланчаниот затворач” во Америка во крајот на 19 век. Неговата компанија сè уште постои под името Талон Инк. и произведуваат затворачи за одредени брендови.
