Во просек, во носот има околу 400 рецептори, а од поединец до поединец се разликуваат за речиси 30%, тврдат научниците од центарот за хемиски мириси „Монел“ во Филаделфија. Истиот мирис мириса различно на различни луѓе, а рецепторите се „виновни“ за се, пренесува „Daily Mail“. Дури и најмала промена во рецепторот значително го менува начинот на кој луѓето ги перцепираат мирисите, така што на некои, одреден парфем може да им мириса на сандалово дрво или ванила, а на други како чад или урина. Причината за благ и силен мирис се крие во 140 различни рецептори, потврдија научниците кои во лабораторијатаклонирале 511 рецептори и ја проучувале нивната реакција на 73 различни мириси.
„Резултатите од истражувањето би можеле да им помогнат на научниците да создадат мириси. Крајната цел е да се открие на кој начин рецепторите ги декодираат молекулите на мирис и манипулираат за да го добиете саканиот парфем “, рече водачот на истражувањето, д-р. Џоел Мејнленд.