Американската глумица, Chyler Leigh, попозната како Lexie Grey, ликот којшто го толкуваше во TV серијата “Grey’s Anatomy”, по 18 годишниот брак и трите деца, призна дека е лезбејка.
38 годишната глумица вели дека сега може полесно да дише, откако “излезе од ормарот” и дека многу подобро се чуствува.
Таа напиша емотивна порака, којашто ја сподели со своите Инстаграм следбеници:
- “Здраво пријатели. Денес имав огромен излив на љубов и поддршка за да успеам да признаам дека се сакам себе си, баш таква каква што сум. Еднаш кога ќе се соочиме со вистинските ние, подобро ќе гледаме на светот околу нас, но ќе можеме и да извршиме позитивна и трајна промена со цел да постигнеме еднаквост и љубов. Благодарна сум што гледам појасно, дишам полесно и горда сум што успеав да допринесам најмногу, во она што верувам со искрено и отворено срце. Ви праќам љубов на сите.”
Говорејќи за својот брак, таа истакна дека после сите години поминати заедно, тие двајца сè уште ја откриваат длабочината во себе, но дека во текот на целото заедничко патување научиле да се гордеат со тоа што се, без оглед на цената.