Една група луѓе кои прележале Корона вирус мора повеќе да внимава: Шокантно откритие за антителата и кој побрзо ги губи

19 ноември, 2020
Ljudi-maske-covid-korona-koronavirus-9


Нивото на антитела кон ковид-19 се намалува побрзо кај мажите отколку кај жените, покажа новата студија, чии резултати може да имаат импликации врз развојот на вакцина против вирусот корона, пишува Гардијан.

Студијата вклучува 308 лица вработени во болници на Универзитетот во Стразбур во кои е потврдено присуство на коронавирус, претежно со поблаги симптоми на болеста. Нивото на различни антитела е измерено со употреба на три различни теста двапати во период од 172 дена.

Првото мерење покажа дека мажите постари од 50 години и оние со индекс на телесна маса поголема од 25, имаат највисоко ниво на антитела.

Друго мерење покажа дека нивото на антитела паѓа повеќе кај мажите отколку кај жените, без оглед на возраста или индексот на телесна маса, се вели во студијата. „Нашето истражување покажа дека мажите покажуваат посилен одговор во акутната фаза, изразен со повисоки нивоа на антитела, но дека со текот на времето се намалува многу побрзо отколку кај жените, каде што останува на многу постабилно ниво“, рече Самира Фафи-Кремер.

Оливие Шварц, еден од авторите на студијата, рече дека се чини дека падот зависи од почетното ниво на антитела. Ако нивото на антитела е поголемо, падот ќе биде побрз, но сè уште не знаеме зошто точно, наведува Шварц. Сабра Клајн од Универзитетот Џон Хопкинс истакнува дека научниците кои работат на развој на вакцината треба да го анализираат и споредат одговорот на мажите и жените на вирусот со текот на времето, бидејќи е можно мажите да изгубат антитела и по вакцинацијата. Мажите можеби ќе треба да примат друга вакцина за да го одржат имунитетот на вирусот, тврди Клајн.

Научниците сè уште не знаат сè за имунитетот на вирусот корона. Тие предупредија дека антителата што ги произведуваат се подеднакво важни, Т-клетките, чија задача е да го стимулираат производството на Б-клетки и да ги уништат респираторните клетки во кои живее вирусот. Студијата треба да помине низ процес на преглед.